ﺑﻄﺎﻃﺲ ﻛﺮﻭﻛﻴﺖ ﺑﺎﻟﺠﺒﻨﺔ

ﺍﻟﺒﻄﺎﻃﺲ ﺍﻟﻜﺮﻭﻛﻴﺖ ﻣﻦ ﺃﺣﻠﻰ ﻣﻘﺒﻼﺕ ﺍﻟﻤﻄﺒﺦ ﺍﻷﻣﺮﻳﻜﻰ ﻭﺩﻯ ﻃﺮﻳﻘﺔ ﻋﻤﻠﻬﺎ ﺑﺄﺳﻬﻞ ﻭﺃﺿﻤﻦ ﺍﻟﻄﺮﻕ


ﺍﻟﻤﻘﺎﺩﻳﺮ
4 x ﻋﺪﺩ ﺑﻄﺎﻃﺲ ‏( ﻣﺴﻠﻮﻗﺔ ‏)
2 x ﻣﻌﻠﻘﺔ ﺻﻐﻴﺮﺓ ﺑﻮﺩﺭﺓ ﺛﻮﻡ ‏( ﺃﻭ ﺑﺼﻞ ‏)
1 x ﻋﺪﺩ ﺑﻴﻀﺔ
1 x ﻛﻮﺏ ﺑﻘﺴﻤﺎﻁ ﻣﻄﺤﻮﻥ ‏( ﻋﺎﺩﻯ ﺃﻭ ﻣﺒﻬﺮ ‏)
1 x ﻋﺪﺩ ﺑﻴﻀﺔ ‏( ﺑﻴﺎﺽ ﻓﻘﻂ ‏)
1 x ﻛﻮﺏ ﺩﻗﻴﻖ
½ x ﻣﻌﻠﻘﺔ ﺻﻐﻴﺮﺓ ﻓﻠﻔﻞ ﺍﺳﻮﺩ ﻣﻄﺤﻮﻥ
½ x ﻛﻮﺏ ﺟﺒﻨﺔ ﺭﻭﻣﻲ ‏( ﺃﻭ ﺷﻴﺪﺭ ﻣﺒﺸﻮﺭﺓ ‏)
½ x ﻣﻌﻠﻘﺔ ﺻﻐﻴﺮﺓ ﻣﻠﺢ
¼ x ﻛﻮﺏ ﻟﺒﻦ ﻛﺎﻣﻞ ﺍﻟﺪﺳﻢ 
 ﻋﺪﺩ ﺍﻻﺷﺨﺎﺹ
ﻳﻤﻜﻨﻚ ﺗﻐﻴﻴﺮ ﻋﺪﺩ ﺍﻻﺷﺨﺎﺹ
ﺍﻟﺨﻄﻮﺍﺕ
.1 ﻫﻨﻘﺸﺮ ﺍﻟﺒﻄﺎﻃﺲ ﻭﻧﻬﺮﺳﻬﺎ ﻛﻮﻳﺲ ﺟﺪﺍ ﻓﻰ ﺑﻮﻟﺔ ﻛﺒﻴﺮﺓ
.2 ﻫﻨﻀﻴﻒ ﻋﻠﻰ ﺍﻟﺒﻄﺎﻃﺲ ﺑﻴﺎﺽ ﺍﻟﺒﻴﻀﺔ ﻭﺍﻟﺠﺒﻨﺔ ﺍﻟﻤﺒﺸﻮﺭﺓ ﻭﺭﺑﻊ ﻣﻌﻠﻘﺔ ﻓﻠﻔﻞ ﺍﺳﻮﺩ ﻭﺭﺑﻊ ﻣﻌﻠﻘﺔ ﻣﻠﺢ ﻭﻣﻌﻠﻘﺔ ﺻﻐﻴﺮﺓ ﺛﻮﻡ ﺃﻭ ﺑﺼﻞ ﺑﻮﺩﺭ ﻭﻣﻤﻜﻦ ﺍﻻﺗﻨﻴﻦ .
.3 ﻫﻨﻀﺮﺏ ﺍﻟﻤﻜﻮﻧﺎﺕ ﻛﻮﻳﺲ ﺟﺪﺍ ﺑﻤﻀﺮﺏ ﺑﻴﺾ ﻟﺤﺪ ﻣﺎ ﺗﺒﻘﻰ ﻋﺠﻴﻨﺔ ﻣﺘﻤﺎﺳﻜﺔ ﻭﻧﻌﺠﻨﻬﺎ ﻋﻠﻰ ﺷﻜﻞ ﻛﺮﻩ ﻭﺗﺪﺧﻞ ﺍﻟﺜﻼﺟﺔ ﻟﻤﺪﺓ ﺳﺎﻋﺔ .
.4 ﻫﻨﺤﻀﺮ ﻃﺒﻖ ﻓﻴﻪ ﺩﻗﻴﻖ ﻭﻃﺒﻖ ﻓﻴﻪ ﺑﻘﺴﻤﺎﻁ .
.5 ﻫﻨﺤﻀﺮ ﺑﻮﻟﺔ ﻓﻴﻬﺎ ﺑﻴﻀﺔ ﻋﻠﻰ ﺭﺑﻊ ﻛﻮﺏ ﻟﺒﻦ ﻭﻋﻠﻴﻬﻢ ﺑﺎﻗﻰ ﺍﻟﻤﻠﺢ ﻭﺍﻟﻔﻠﻔﻞ ﻭﺍﻟﺜﻮﻡ ﺃﻭ ﺍﻟﺒﺼﻞ ﺍﻟﺒﻮﺩﺭ ﻭﻧﻀﺮﺑﻬﻢ ﻛﻮﻳﺲ ﺑﻤﻀﺮﺏ ﺑﻴﺾ .
.6 ﺑﻌﺪ ﻛﺪﻩ ﻫﻨﺎﺧﺪ ﻣﻦ ﻋﺠﻴﻨﺔ ﺍﻟﺒﻄﺎﻃﺲ ﻗﻄﻌﺔ ﺻﻐﻴﺮﺓ ﻭﻫﻨﺸﻜﻠﻬﺎ ﻋﻠﻰ ﺷﻜﻞ ﻛﺮﺓ ﺃﻭ ﺃﺻﺎﺑﻊ ﺣﺴﺐ ﺍﻟﺮﻏﺒﺔ ﻭﻫﻨﺤﻄﻬﺎ ﻓﻰ ﺍﻟﺪﻗﻴﻖ ﺍﻷﻭﻝ ﺗﺎﺧﺪ ﻃﺒﻘﺔ ﺩﻗﻴﻖ ﻭﺑﻌﺪﻳﻦ ﻧﺤﻄﻬﺎ ﻓﻰ ﺧﻠﻴﻂ ﺍﻟﺒﻴﺾ ﻭ ﺑﻌﺪﻳﻦ ﻧﻐﻠﻔﻬﺎ ﺑﺎﻟﺒﻘﺴﻤﺎﻁ ﺍﻟﻤﻄﺤﻮﻥ ﻛﻮﻳﺲ ﻭﻧﺤﻄﻬﺎ ﻓﻰ ﻃﺒﻖ ﻓﺎﺿﻰ .
.7 ﺑﻌﺪ ﻣﺎ ﻧﻨﺘﻬﻰ ﻣﻦ ﺗﻐﻠﻴﻒ ﺍﻟﺒﻄﺎﻃﺲ ﺑﺎﻟﺒﻘﺴﻤﺎﻁ ﻫﻨﺪﺧﻞ ﺍﻟﻄﺒﻖ ﺍﻟﺜﻼﺟﺔ ﻟﻤﺪﺓ ﻧﺼﻒ ﺳﺎﻋﺔ ﻋﻠﺸﺎﻥ ﺍﻟﺒﻘﺴﻤﺎﻁ ﻳﻤﺴﻚ ﻭﻣﻴﻔﻜﺶ ﻣﻊ ﺍﻟﻘﻠﻰ .
.8 ﺑﻌﺪ ﻛﺪﻩ ﻓﻰ ﻃﺎﺳﺔ ﻏﻮﻳﻄﺔ ﻓﻴﻬﺎ ﺯﻳﺖ ﻏﺰﻳﺮ ﺳﺎﺧﻦ ﻫﻨﻘﻠﻰ ﺍﻟﺒﻄﺎﻃﺲ ﻟﺤﺪ ﻣﺎ ﺗﺘﺤﻮﻝ ﻟﻠﻮﻥ ﺍﻟﺬﻫﺒﻰ ﻭﻃﺒﻌﺎ ﺑﻌﺪﻫﺎ ﻫﻨﺼﻔﻴﻬﺎ ﻣﻦ ﺍﻟﺰﻳﺖ ﻭﺗﺼﺒﺢ ﺟﺎﻫﺰﺓ ﻟﻠﺘﻘﺪﻳﻢ